Góðgæti Ljúflingsverzlunnar

Ljúflingsverzlun er samstarfsverkefni okkar tveggja vinkvennanna, Ragnhildar (ég) hjá Jónsdóttir & co og Heiðar hjá Íslenzka Pappírsfélaginu. Í 3 ár höfum við opnað sæta Popp Up verslun sem opin er eina helgi í mánuði. Við byrjuðum á Laugaveginum en höfum lengst af hreiðrað um okkur í Álfheimum 2 (þar sem nú er hárgreiðslustofan Hárfjelagið). Þegar við stillum upp í sætu búðina minnir hún helst á lítið kaupfélag því þar fást samfellur, sápur, gjafapappír og dagatöl svo fátt eitt sé nefnt. Eitt af því sem er þó alltaf til staðar er að við stöllurnar bökum og höfum sæta mola sem við bjóðum uppá. Oftar en ekki baka ég þessa dásemd sem heitir Fáskrúsfjarðarskúffa (hún hefur einnig verið í Nóa Síríus bækling undir öðru nafni). Ég fékk þessa uppskrift upprunalega úr Gestgjafanum og hún er himnesk. Þau eru ófá skiptin sem ég hef verið beðin um uppskriftina svo hér kemur hún.

Í kökuna þarf :

Botn :

100 grömm suðusúkkulaði

4-5 msk. Smjör

3 egg

3 dl sykur

1 1/2 dl hveiti

1 tsk. Salt

2 tsk. Vanilludropar

1 1/2 dl. Pekanhnetur gróft saxaðar

150 gr suðusúkkulaði gróft saxað

Karamellusósa :

4 msk. Smjör

1 dl. Púðursykur

2 msk. Rjómi

Hitið smjör og sykur að suðu og látið sjóða í eina mínútu. Hrærið stöðugt í á meðan. Takið pottinn af hellunni og kælið lítið eitt, bætið síðan rjómanum saman við.

En fyrst er byrjað á þessu :

Bræðið súkkulaði og smjör yfir vatnsbaði. Þeytið egg í létta froðu, bætið sykri saman við og hrærið vel. Setjið brædda súkkulaðið ásamt vanilludropunum og salti og loks hveiti. Ég hef vanið mig á að hræra sem minnst eftir að hveitið er komið í. Ég baka kökuna alltaf þannig að ég set eitt blað af smjörpappír á botnin sem nær meðfram köntunum svo það sé hægt að taka hana í heilu lagi uppúr og skera þegar kakan er orðin köld.

baka_1

Hellið deiginu í ferkantað form eða litla skúffu og bakið við 175 gráður í 15 mínútur. Ég er reyndar með mína köku skemur, sennilega um 10-12 mínútur og hitinn hjá mér er 150 gráður með blæstri. Að því loknu er kakan tekin aftur úr ofninum. Þá er komin örþunn himna yfir hana enn kakan er enn blaut.

baka_2

Þá er pekanthnetum stráð yfir hálfbakaðann botninn og karamellusósunni hellt yfir. Svo fer þessi elska aftur í ofninn.

baka_3

Það fer auðvitað eftir ofninum hversu lengi kakan er inni. Uppskriftin segir 175 gráður í 15 mínútur ég er þó með mína skemur ca. 10 mínútur á 150 gráðum (með blæstri).

baka_4

Svona lítur svo þessi elska út þegar hún er komin úr ofninum og bakstri lokið. Þá er bara eitt eftir og það er að setja suðusúkkulaðið yfir kökuna.

Kakan á að vera dálítið klesst en ef hún er bökuð of lengi verður hún þurr. Ef þú er hrædd um að hún sé ekki nógu bökuð bjargar ískápurinn þér. Því þegar súkkulaðið hefur farið á kökuna og bráðnað þarf hún að kælast í um tvo tíma í ísskáp. Þá er hún orðin þétt þó miðjan sé blaut og auðvelt að skera hana.

baka_5

Þá er þessi dásemd tilbúin og þá er bara að njóta ! Kakan er dásemd með þeyttum rjóma og þolir einnig mjög vel að fara í frystinn. Það er til dæmis tilvalið að eiga hana í litlum bitum í frystinum næst þegar gesti ber að … já eða til að stelast í einn og einn mola með ískaldri mjólk.

p.s. stundum hef ég sett hvítt súkkulaði til helmings við dökkt ofaná kökuna.

 

 

 

Frábært fertugsafmæli

Á laugardaginn var mér boðið í aldeilis frábært og skemmtilegt afmæli sem haldið var utandyra í blíðskaparveðri. Veislutjöld, gómsætar veitingar og allt skreytt hátt og lágt og frábær félagsskapur rammaði inn einstakt kvöld.

Undirbúningurinn hófst því á að ákveða gjöfina og pakka inn.

Hrund1

Þessa tölustafi keypti ég í IKEA og finnst ofsalega gaman að leika með þá. Auðvitað kosta þeir klink sem gerir þá svo miklu skemmtilegri. Svo má ekki gleyma gjöfinni og fyrir valinu voru fallegu hreindýraservétturnar.

Hrund2

Því næst var lagt af stað. Þar sem ég elska að endurnýta er fallegi silkipappírinn utanum af kertum sem ég keypti í Tiger og svarti pokinn kom frá Reykjavík Letterpress þegar ég var að kaupa fleiri merkispjöld líkt og eru á servéttunum.

Hrund3

P.s. já og á lokasprettinum ákvað ég að það væri skemmtilegra að hafa sitt hvorn litinn í tölustöfununum – því auðvitað keypti ég báða litina.

Ég er heppinn, ég á tvær mömmur.

Við mæðgurnar fórum í svo dásamlega skemmtilega heimsókn í gær. Heimsóttum lítinn nýfæddan prins og flottu mömmurnar hans. Því var þörf á að gera skemmtilega og persónulega samfellu. Í raun var ég búin að vera að undirbúa gjöfina í nokkurn tíma. Velja texta og liti og kaupa sitt lítið af hverju til að fullkomna gjöfina.

Lilli1

Þar sem ég keypti fyrst gjafakassann utanum gjöfina varð hann hugmyndin að litaþemanu á samfellunni, fallegur kóngablár litur og taupe litur. Já og svo pínu dúlluverk.

Lilli2

 

Auðvitað var sæta samfellan svo sett í poka og svo var pínu aukaglaðningur settur með frá Loccitane, frönsku yndis versluninni. Lítil krem og sápa með viðeigandi heiti, Bonne mére eða góða mamma.

Lilli3

Og þá er það innpökkunin sem ég ELSKA að nostra við. Gjafakassann keypti ég hjá uppáhaldsystrunum, Sösterne Grönne og borðinn kemur frá Íslenzka Pappírsfélaginu. Kortið sem mér finnst svo rómantíkst og fallegt er servétta sem ég keypti (10 saman) í Megastore í Smáralind fyrir nokkru síðan og rammar gjöfina svo fallega inn.

Dýrasta bananabrauð í heimi

Um daginn langaði mig svo að prufa uppskrift að Bananbrauði frá Sollu á Gló. Brauðið góða gerði hún í þætti af Heilsugenginu sem var á Stöð 2 í vetur (einnig er hægt að nálgast uppskriftina inná Himneskt síðunni á Facebook). Þar sem ég átti bananana fannst mér að ég væri komin hálfa leið með hráefnið eða alveg þar til ég tók saman innkaupalistann og þar til ég greiddi fyrir vöruna.

Bananabraud innkaup

 

Já  einmitt þarna kom það, dýrasta bananabrauð í heimi í öllu sínu veldi. Maðurinn minn skellihló að mér já og til að bíta hattinn úr skömminni fannst engum á heimilinu brauðið gott nema mér.

Bananbraudid

Brauðið er óhefðbundið þar sem ekkert hveiti er í því. En þegar ég bakaði það aftur í gær þá átti ég ekki nóg af möndlumjöli svo ég bætti það upp með kókoshveiti. Þetta er sennilega fullkomið naglasúpubrauð því ég hef oft skipt einu fyrir annað eftir því sem til er í skápnum en það kemur ekki að sök. Mér finnst hins vegar dökka súkkulaðið klárlega það sem gerir banabrauðið bezt. Brauðið er frekar stór en það geymist vel. Ég hef þó fryst hluta af því og tekið út eftir þörfum og svo er yndisgaman að gleðja með litlum bita og gefa matargjöf.

Bananbraud innpakkad

Þar sem ég ELSKA að pakka inn finnst mér það punkturinn yfir iið. En ég veit ekkert fallegra en að nota smjörpappír þegar ég pakka inn matargjöfum. Já og svo skar ég niður bakið af Cath Kidston límmiða bókinni minni og skrifaði aftan á hvaða dásemd væri í pakkanum, Banabrauð með dökku súkkulaði, graskersfræjum & hlynsýrópi mmmm …

p.s. Þegar þú ert búin að kaupa hráefnið einu sinni áttu til í mörg brauð.

Húsylja

Þegar ég varð fertug fyrir nokkrum árum gaf Ásta frænka mér gjöf sem heillaði mig alveg. Hún var full af hlýju og ást enda var það karfa með nýbökuðu brauði, marmelaði og allskyns fegurð og skemmtilegheitum. Síðan þá hef ég stundum unnið útfrá þessari hugmynd. Í rigningunni í gær var ég einmitt að undirbúa fallega gjöf handa góðri vinkonu sem er nýflutt og búin að hreiðra fallega um sig og fjölskyduna. Ég fór því í dulitla bæjarferð og keypti það sem mig vantaði en nýtti einnig það sem ég átti fyrir.

housewarming1

Ég keypti fallega basiliku og pasta í Frú Laugu (finnst pokinn svo fallegur) og svo nálgaðist ég S.Pellegrino vatnið í Bónus ásamt hráefni í einfalda og ljúffenga tómatpastasósu af Vinotek vefnum. Hér má finna hana : http://www.vinotek.is/2014/03/18/itolsk-tomatasosa/ (þar sem ekki kemur fram nákvæm hráefnislýsing nota ég einn lauk, tvær dósir af tómötum, 2 hvítlauksrif, teskeið af hvítvínsedik og nota síðan bæði ca. teskeið af hunangi og smá hrásykur með). Þegar sósan var búin að malla vel og lengi og ilmurinn kominn í húsið var hún sett í krús (ég notaði krús undan uppáhalds ilmkertinu mín, auðvitað nýþvegin og fín en ég geymi alltaf glösin til að nýta í ólík og skemmtileg verkefni). Síðan var raðað saman í fallega kassann sem er tilvalinn undir skemmtilegar matargjafir. Svo var haldið af stað útí rigninguna í yndislegt Húsyljuboð (finnst svo fallegt orðið “Housewarming” að ég setti á mig þýðingargleraugun) í dásamlegum félagskap og í ómótstæðilegar veitingar …

housewarming2

Ást & hlýja úr rigningunni – Ragnhildur

 

Glaðningur handa gestgjafa

Í gær var mér boðið í yndislegt matarboð hjá einstakri vinkonu.  Mér finnst alltaf svo gaman að krúttvæða og gera eitthvað sætt og í þessu tilfelli átti það svo einkar vel við. Enda gaman að koma með lítinn þakklætisvott meðferðis.

Á ensku er til orðið “hostess gift” sem mér þykir svo einstaklega fallegt. Mig langaði að gleðja með einhverju smáræði sem minnti á sumarið. Ég valdi því saman eitt og annað sem mér fannst geta skapað skemmtilega stemmingu í garðinum eða í lautarferðina. Ég fékk rör og fallega litla nestispoka hjá henni Heiði vinkonu í Íslenska Pappírsfélaginu og keypti síðan sætar servéttur. Það þarf ekkert að vera allt aðkeypt því oft lumar maður á einhverju sniðugu inní skáp til að setja með.

Hostess gift2

Einhvern tímann hafði ég keypt hnífapör nokkuð mörg saman í þessum fallega fölgræna lit og setti því nokkur af þeim með. Ég setti þau í sellófon poka sem mér finnst gott að eiga og kaupi oft í ýmsum stærðum í Sösterne Grene.

Hostess gift1

Þar með var gjöfin tilbúin og í þessum litum sem eru svo frísklegir og fallegir saman, sterki rauði liturinn á móti mildum grænum tónum. Fyrir mér er það svo þessi sæti miði “Njótið” einnig frá henni Heiði minni sem rammar inn stemminguna.

Hostess gift3

 

Njótið & eigið yndislegt sumar og sumarfrí í vændum !

Glaðningur úr garðinum

Ég er svo lánsöm að vera gift manni sem hefur gaman af að stússat í garðinum. Ég er hins vegar meira svona sóldýrkandi sem nýt þess að liggja í sólinni þegar vel viðrar og fletta skemmtilegu blaði og lygni svo aftur augunum. Ég nýt hins vegar að fullu árangurs garðvinnunnar, bæði með því að virða fyrir mér fallega sleginn blettinn og vel snyrt hekk en ekki síður er það þó uppskeran sem ég nýt þess að borða. Nú er það klettakálið sem fer í pestóið og er dásamlegt með grillmatnum eða basilikan eða steinseljan. Já og auðvitað er svo beðið eftir fyrstu jarðaberjum sumarsins. En það er líka gaman að gefa dásemdirnar úr garðinum. Ég sá eitt skiptið sem ég ferðaðist um netið svo fallegan innpökkun af fersku grænmeti úr garðinum að ég ákvað að prufa. Afar einfalt og það eina sem þarf er bökunarpappír og snærisspotti.

gardur_1

Því næst er bara að rúlla brakandi ferskum dásemdunum upp í kramarhús, binda og vöndurinn er tilbúinn.

gardur_2

Það gerist ekki einfaldara en er falleg gjöf sem gleður.

Sumarknús

Ragnhildur

Páskaborðið skreytt

Þar sem ég veit fátt skemmtilegra en að skreyta var ég ekki lengi að segja já við að skreyta páskaborð fyrir DV. Mig langaði að blanda saman glaðlega gula litnum og náttúrulegum tónum. Já og nota það sem til var í skápunum ( it’s a lot ). Skápar shoppaholics svo það er auðvelt að nálgast fallegt fínerí. En það sem ég fór og keypti voru greinar og sítrónur til að ná fram fallega gula litnum.

Ég lagði á borð fyrir 6 en þar sem ég átti aðeins fjórar gular tauservéttur notaði ég hör servéttur á móti. Þær eru í raun í stíl við dúkinn svo þið sjáið hversu oft dúkurinn hefur verið þveginn miðað við servétturnar. En núna ætla ég að verða umhverfisvænni og vera duglegri að nota tauservéttur svo er það líka bara svo ofsalega fallegt.

Paskabord langsum

Sparistellið mitt (á diska fyrir ríflega 20) kemur úr Sösterne Grene. Já og byrjaði að safna því áður en verslunin kom til Íslands svo í hverri Danmerkurferð voru sóttir nokkrir diskar, skálar eða kaffibollar. Já og maðurinn minn var líka látinn rogast með heim eitthvað úr stellinu góða þegar hann var úti. Þegar verslunin kom hingað heim var bara hreinlega of auðvelt að nálgast vöruna. Og því fór svo að verksmiðjan sem stellið mitt hafði verið framleitt í hætti og þar með var framleiðslunni hætt. Svo tuttugu diskar á móti sex skálum er skemmtileg tala.

DV skreytt bord

Já svo notaði ég auðvitað sætu páskapokana sem var hugsaður sem gleðigjafi í lok máltíðarinnar. Lítill poki með gómsætu páskaeggi. Svo er fallegur páskalöber í stíl en þar sem borðið er hvítt finnst mér koma fallegt mótvægi að hafa hörlitaðan dúkinn undir.

skenkur

Auðvitað var skenkurinn líka skreyttur. Og þessi fallega páskalega sería var jólagjöf frá góðri vinkonu og í þessu samhengi minnir hún á lítil páskaegg. Svo er auðvitað alltaf gaman að skreyta með fallegu rörunum hennar Heiðar frá Íslenzka Pappírsfélaginu.

Eigiði sem ljúfasta páska – skreytta eða óskreytta. Mestu skiptir að njóta.

Páskaknús

Ragnhildur

Páskakanínan skottast um

Páskakanínan hefur ætt hér um heimilið og tekið það í gíslingu. Já og bæði utan og innan dyra.

Þessi sniðugi krans hefur fylgt mér lengi. Keypti hann á sínum tíma í Soldis þegar sú búð var enn í miðbænum (á Vitastíg þar sem nú er KronKron). Alltaf jafn falleg grænn og svo skreyttur eftir árstíðum.

Paskakrans uti

Já og auðvitað þurfti að hafa páskaliljur í potti. Fóru reyndar afar snemma út þar sem Páskakanínan hafði keypt þær svo snemma að þær voru útsprungnar og fallegar í stofunni mörgum vikum fyrir páska.

Paskaliljur uti

Páskakanínan var svoo löt að hún gróðursetti ekkert þessar elskur heldur tillti þeim bara svona pent í pottinn. Já nei takk ekkert páskahret hér.

Í vikunni fékk ég síðan verkefni sem mér fannst afar skemmtilegt. Skreyta páskaborð fyrir Páskablað DV. Hver einasta settning sem inniheldur sögnina að skreyta er mér að skapi. Ég bókstaflega ELSKA að skreyta. Þegar ég held veislu byrja ég á því að skreyta í stað þess að byrja á hinu óumflýjanlega að þrífa.

DV skreytt bord

Ég held bara að mér finnsist fallegast að blanda saman gulum og natural tónum. En þessar myndir eru af páskborðinu sem ég gerði fyrir DV. Miklu meira um það síðar.

DV paskabord

 

 

Vinsælasti liturinn fyrir fermingardömur

Fyrir ári síðan (þegar koddaverin voru rétt að byrja) pantaði Hallgerður Freyja koddaver handa vinkonu sinni í fermingargjöf. Hún valdi litina fjólublátt og grátt sem var hennar eigin hugmynd. Það skemmtilega er að þetta hefur verið vinsælasta litasamsettningin fyrir ungar fermingardömur allar götur síðan. Á þessum aldri eru þessar flottu dömur vaxnar uppúr bleika litnum og þá er þessi litur, fallegur fjólutónn og svo ljós tónn af gráum með svo falleg blanda.

Það kom því ekki annað til greina en að velja þessa litasamsettningu þegar Hallgerður fermdist síðastliðið vor. Já hún er svoo flott þessi stelpa, klár, skemmtileg, ljúf og falleg. Hvað er svo betra en að eiga koddaver sem minnir mann á þessi sönnu orð ef maður lendir einhverntímann í vafa ?

photo 2

 

Það kemur kannski ekki á óvart hvaða lit Hallgerður valdi í ferminguna sína …

photo 5

 

Já og svo var það kransakaka ! Jafn falleg og hún var bragðgóð. Væri til í smá bita af henni núna …

 

photo 4[1]

Hér er síðan fyrsta verið sem var gert í þessum fallegu litum sem Hallgerður pantaði handa einstakri vinkonu sinni henni Höllu Maríu.

photo 1[1]

 

TAKK Hallgerður Freyja fyrir frábæra hugmynd að fallegri litasamsettningu.

photo 3[3]